Mark Aaron Collera

Si Mark Aaron Alaras Collera ay isang mag-aaral ng komunikasyon sa Unibersidad ng Pilipinas na kasalukuyan ding isang tigmantala (freelance journalist), mananaliksik, at manunulat ng mga akdang pampanitikan. Ang kaniyang mga isinisiwalat ay kadalasang tungkol sa patuloy na pagkawasak ng kalikasan at ng saribuhay nito. Naging kontribyutor siya sa SunStar Cebu, kung saan inimbestigahan niya ang unti-unting pagkawala ng mahigit pitumpung taong kasaysayan ng pagtatanim ng lato (Caulerpa lentillifera) sa kaniyang sariling pamayanan. Bitbit ang labintatlong taong karanasan bilang student journalist, nagtuturo rin siya sa mga kabataang mamamahayag na nagnanais na palawakin ang kanilang kakayahan sa paghahagilap ng katotohanan upang higit na mapagsilbihan ang sambayanan.